وبلىس ورتالىعىندا ورنالاسقان 10 كوپقاباتتى تۇرعىن ءۇي مەن 3 مەكتەپتىڭ شاتىرى ءب ۇلىنىپ, ەلەكتر جەلىسىنىڭ 3 باعاناسى جانە 40-قا جۋىق اعاش قۇلاعان. سونداي-اق, 20 باعدارشام ىستەن شىققان. بۇگىن جامبىل وبلىسىنىڭ اكىمى بەردىبەك ساپارباەۆ داۋىلدان ب ۇلىنگەن تۇرعىن ۇيلەر مەن نىسانداردى ارالاپ شىقتى.
جامبىل داڭعىلىنداعى №123 ءۇيدىڭ 120 شارشى مەترلىك شاتىرىن جەل ۇشىرىپ اكەتكەن. ءۇي وسىدان 60 جىل بۇرىن سالىنىپتى. بىراق, وسى ۋاقىتقا دەيىن بىردە-ءبىر رەت كۇردەلى جوندەۋدەن وتپەگەن. بەردىبەك ساپارباەۆ اتالعان ءۇيدىڭ جاعدايىمەن تانىسىپ, تۇرعىندارمەن اڭگىمەلەستى. «جاڭبىر جاۋعان كەزدە شاتىردان سۋ اعىپ كەتپەۋى ءۇشىن ۋاقىتشا جابىن ورناتىلادى. دەگەنمەن, كۇن جىلىعاننان كەيىن تەرموجاڭعىرتۋ باعدارلاماسى اياسىندا ۇيگە جوندەۋ جۇمىستارىن جۇرگىزۋ قاجەت», دەدى اكىم. سونداي-اق, قالانىڭ 15-شاعىناۋدانىنداعى №16 ءۇيدىڭ اۋماعى 1000 شارشى مەتردەن اساتىن شاتىرى دا قاتتى جەلدەن ۇشىپ كەتكەن. بەس قاباتتى تۇرعىن ءۇي وتكەن جىلى پايدالانۋعا بەرىلگەن. شاتىردىڭ قۇلاۋى كەزىندە كورشى ءۇيدىڭ بالكونى مەن اۋلادا تۇرعان بىرنەشە كولىككە زاقىم كەلگەن. ابىروي بولعاندا, ادام شىعىنى ورىن العان جوق. قازىرگى تاڭدا اۋلانى قوقىستان تازارتۋ, ەلەكترمەن قامتۋدى قالپىنا كەلتىرۋ جۇمىستارى جۇرگىزىلۋدە. اتالعان تۇرعىن ءۇيدىڭ قۇرىلىسىن جۇرگىزگەن مەردىگەر بارلىق جۇمىستار نورماتيۆتەر مەن بەكىتىلگەن جوباعا سايكەس اتقارىلعانىن ايتتى. «شاتىر مەن كورشى ءۇيدىڭ زاقىمدانعان بولىگىن قالپىنا كەلتىرۋ مەردىگەر كومپانيانىڭ موينىنا جۇكتەلۋى ءتيىس. شاتىردى قىسقا مەرزىمدە قالپىنا كەلتىرۋ قاجەت. ەندى مۇنداي وقيعالاردىڭ قايتالانۋىنا جول بەرىلمەۋى كەرەك. ەگەر تەك اۋا-رايى عانا سەبەپ بولسا, وندا باسقا ۇيلەردىڭ دە شاتىرلارى ۇشىپ كەتەتىن ەدى عوي. بۇل جەردە قۇرىلىس ساپاسىنا قاتىستى ماسەلە بار», دەدى بەردىبەك ساپارباەۆ.
بۇگىندە تاراز قالاسىندا داۋىلدىڭ سالدارىن جويۋ بويىنشا جۇمىستار جۇرگىزىلۋدە. كوشەلەردى قۇلاعان اعاشتاردان تازارتۋ جالعاسۋدا. اۋەلى كولىك قوزعالىسىنا كەدەرگى كەلتىرمەۋ ءۇشىن جولدار تازارتىلدى. الايدا, قالا تۇرعىندارىنان ەلەكتر قۋاتىمەن قامتۋداعى اقاۋلارعا قاتىستى وتىنىشتەر تۇسۋدە. قازىرگى كەزدە بۇل شارالارعا 20 بريگادا جۇمىلدىرىلعان. بەردىبەك ساپارباەۆ تاراز قالاسىنىڭ اكىمى ايتقازى قارابالاەۆقا جەل زارداپتارىن جويۋ جۇمىستارىن جەدەلدەتۋدى تاپسىرىپ, ب ۇلىنگەن مەكتەپتەر دۇيسەنبى كۇنگە دەيىن قالپىنا كەلتىرىلۋى ءتيىس ەكەنىن اتاپ ءوتتى.
